წრის მეცადინეობა

წრის მეცადინეობა არქაიზმები;

ნეოლოგიზმები; ბარბარიზმები.

ეს საკითხი უცხო აღმოჩნდა წრის წევრებისათვის. თუმცა, როცა საკითხს ჩაუღრმავდნენ, აღმოაჩინეს, რომ არც ისე რთული ყოფილა არქაიზმების, ნეოლოგიზმებისა და ბარბარიზმების ერთმანეთისაგან გარჩევა. მათი მეტყველება ხომ დაბინძურებულია ბარბარიზმებით. დღევანდელი რეალობიდან გამომდინარე,ინგლისური ენიდან საჭიროების გარეშე შემოსული სიტყვებით. მათ იციან აგრეთვე ნეოლოგიზმები. განსაკუთრებით კომპიუტერთან დაკავშირებული ტერმინები, რაც მათთვის არც ისე უცხოა.

წრის მეცადინეობა

წრის მეცადინეობა

დიალექტიზმები

დიალექტი კუთხურ მეტყველებას ჰქვია და მოსწავლეებმაც თავიანთ მეტყველებაში აღმოაჩინეს კუთხური მეტყველების ნიმუშები. მასწავლებლისგან მიიღეს დავალება,რომ სხვადასხვა კუთხის მეტყველების ნიმუშები მოეძებნათ ნაწარმოებებში.

წრის მეცადინეობა

წრის მეცადინეობა

სინონიმებზე, ომონიმებსა და ანტონიმებზე წრის წევრებს ჰქონდათ გარკვეული ცოდნა, რაც კიდევ მეტად განამტკიცეს და სინონიმებსა და ანტონიმებს ახლა არა მარტო არსებითი სახელების, არამედ ზედსართავი სახელების სინონიმებსა და ანტონიმებს დაძებნიდნენ წინადადებებში.

ომონიმები მათთვის შედარებით მარტივად გასაგები საკითხი აღმოჩნდა.

წრის მეცადინეობა

წრის მეცადინეობა 

შორისდებული

შორისდებული ადამიანის გრძნობებს გამოხატავს, მის დამოკიდებულებას რაიმე საგნისა ან მოვლენისადმი___აღშფოთებას. აღფრთოვანებას და ა.შ. გაეცნენ ამ მეტყველების ნაწილს მოსწავლეები და აღტაცებით წამოიძახებდნენ სხვადასხვა ემოციის გამომხატველ შორისდებულებს.

წრის მეცადინეობა

წრის მეცადინეობა

ნაწილაკი

ნაწილაკი არც ისე თი უმნიშვნელო მეტყველების ნაწილია. ამაში მალე დარწმუნდნენ წრის წევრები, როცა მას გაეცნენ და პრაქტიკული სავარჯიშოებიც შეასრულეს.

წრის მეცადინეობა

წრის მეცადინეობა

კავშირი

კავშირი ერთმანეთთან აკავშირებს არა მარტო წინადადების წევრებს, არამედ წინადადებებსაც.

მარტივი აღმოჩნდა ეს საკითხი წრის წევრებისთვის და ბევრი ივარჯიშეს.

წრის მეცადინეობა

წრის მეცადინეობა

თანდებული

წრის წევრები ამჯერად კიდევ ერთ მეტყველების ნაწილს___თანდებულს___გაეცნენ. გაიგეს მათიხმარების შესახებსხვსდასხვა ბრუნვებთან. ახლა უკვე კარგად იციან, რომ მოთხრობით და წოდებით ბრუნვებს თანდებული არ დაერთვის. თანდებულზე მუშაობისას გამოვიყენეთ ჩვენ მიერ შქმნილი რესურსები.

წრის მეცადინეობა

წრის მეცადინეობა

ზმნიზედებთან სასვენი ნიშნების ხმარებასთან დაკავშირენით თეორიული ცოდნა საკმარისად მიიღეს სრის წევრებმა, მაგრამ ამ ცოდნის პრაქტიკულად გამოყენება გაუჭირდათ. ისინი ჯერ კიდევ შვებენ შეცდომებს სასვენი ნიშნების ხმარებისას ზმნიზედებთან.

წრის მეცადინეობა

წრის მეცადინეობა

ახალ მეტყველების ნაწილს თვითონ დაარქვეს ზმნიზედა წრის წევრებმა. დააჯგუფეს ისინი იმის მიხედვით, თუ რას აღნიშნავენ___დროს, მიზანს, მიზეზს, ვითარებას...

მოსწავლეებმა ივარჯიშეს პრექტიკულად. წინადადებებში დაძებნეს ზმნიზედები და დააჯგუფეს ისინი.

წრის მეცადინეობა

წრის მეცადინეობა

წრის წევრები ისევ შეიკრიბნენ და ახლა უკვე ზმნის დროს არკვევდნენ.

ეს საკითხი შედარებით მარტივი და საინტერესოც აღმოჩნდა მათთვის.

წრის მეცადინეობა

წრის მეცადინეობა

ისე, როგორც სახელებს, ზმნებსაც აქვთ მხოლობითი და მრავლობითი რიცხვი. სწორედ ზმნის რიცხვი იყო ის საკითხი, რომელიც ამ მეცადინეობაზე უნდა შეესწავლათ.

მოსწავლეებმა პრაქტიკულად ბევრი ივარჯიშეს და კმაყოფილები იყვნენ საკუთარი თავით.

წრის მეცადინეობა

წრის მეცადინეობა

წრის წევრები შეიკრიბნენ და ახლა უკვე ზმნის შესახებ განიმტკიცეს თავიანთი ცოდნა. ისწავლეს ზმნისთვის პირების შეწყობა, სუბიექტური და ობიექტური პირების გარჩევა ერთმანეთისგან. გაიგეს, რით განსხვავდებიან ერთმანეთისგან პირდაპირი და ირიბი ობიექტური პირები. მართალია, ამ საკითხის გაგება თავდაპირველად გაუჭირდათ, მაგრამ საბოლოოდ შედეგი გასაოცარი იყო. მათ უკვე უხაროდათ, რომ ახლა კარგად ერკვევიან ამ საკითხში.

წრის მეცადინეობა

სიტყვათა მყარი შეხამება

მოსწავლეები შეიკრიბნენ წრის მეცადინეობაზე. შხვედრის მიზანი იყო, გაცნობოდნენ სიტყვათა მყარ შეხამებებს, იგივე ფრაზეოლოგიხმებს.

წრის წევრები მასწავლებლის მიერ შერჩეულ გამოთქმებს ხსნიდნენ ვარაუდებით, შემდეგ კი აზუსტებდნენ და ეცნობოდნენ ამ გამოთქმების წარმოშობას. როგორებიცაა:

მარილზე წასვლა;

თავზე ლაფის დასხმა;

ჩაილურის წყალი დალია;

მშვიდობის მტრედი და სხვები.

წრის მეცადინეობა

მარტივი და რთული სიტყვები

წრის მეცადინეობაზე მოსწავლეები ერთმანეთისაგან განარჩევენ მარტივ და რთულ სიტყვებს. ტექსტებში მოიძიებენ რთულ სიტყვებს და სწავლობენ მათს დაწერილობას.

წრის მეცადინეობა

მეტყველების ნაწილები

წრის მეცადინეობაზე მოსწავლეები შეისწავლიან მეტყველების ნაწილებს და, სქემის დახმარებით, ერთმანეთისაგან განასხვავებენ სრულმნიშვნელობიან და დამხმარე მეტყველების ნაწილებს.

ისინი სწავლობენ, როგორ გაარჩიონ ერთმანეთისაგან სრული მნიშვნელობის მქონე და დამხმარე მეტყველების ნაწილები.

წრის მეცადინეობა

არსებითი სახელი და მისი ჯგუფები

წრის წევრები სწავლობენ არსებით სახელებს. დააჯგუფებენ მათ შინაარსის მიხედვით. ვარჯიშობენ და შემდეგ მუშაობენ ჯგუფებში.

წრის მეცადინეობა

კიდევ ერთხელ რითმაზე

კიდევ ერთხელ შეიკრიბნენ წრის წევრები და კიდევ ერთხელ ისაუბრეს რითმაზე. ახლა უკვე რითმის სახეობებიც განასხვავეს ერთმანეთისაგან და კიდევ ერთხელ წაუკითხეს ერთმანეთს თავიანთი ნაშრომები.

"უნდა ვისწავლოთ ქართული" I სემესტრი

https://drive.google.com/file/d/1t898SU4VOhaq7xfHqbBSx3WLOeIyQGrC/view?usp=sharing

რეფლექსია I სემესტრი

რეფლექსია

                                                                                             პირველი სემესტრი

2017-2018 სასწავლო წლის დასაწყისში მშობლებმა მიიღეს ინფორმაცია სკოლაში საწრეო მუშაობის დაწყების შესახებ ჩემი ხელმძღვანელობით. მოსწავლეებიცა და მშობლებიც დაინტერესდნენ ამ საქმიანობით. შეირჩნენ წრეში მუშაობის მსურველი მოსწავლეები. მათ გაეცნოთ საწრეო მუშაობის არსი და დანიშნულება, მუშაობის სპეციფიკა.

პირველი სემესტრის განმავლობაში წრის წევრები მუშაობდნენ არსებით სახელზე, რიცხვით სახელსა და ზედსართავ სახელზე. შეისწავლეს მათთან დაკავშირებული მართლწერის წესები.

პირველი სემესტრის ბოლოს მოსწავლეებმა სურვილი გამოთქვეს, რომ მათი მუშაობა გაგრძელდეს მეორე სემესტრშიც.

კრიტერიუმები

შეესაბამება

არ შეესაბამება

1

პროგრამაში მკაფიოდ არის გამოკვეთილი წრის მუშაობის პროფილი, მისი მიზანი, სრულყოფილად არის წარმოდგენილი თემების/საკითხების ჩამონათვალი

1

2

გამოყენებული  რესურსები შეესაბამება და ემსახურება წრის მუშაობის მიზნის მიღწევას

 1

3

რეფლექსიაში დასაბუთებულია წრის ფუნქციონირების მნიშვნელობა და აქტუალურობა

 1

4

რეფლექსიაში მასწავლებელი აანალიზებს და აფასებს მის მიერ გაწეულ სამუშაოს, საწრეო მუშაობის შედეგებს

 1

5

რეფლექსიაში მასწავლებელი აანალიზებს გამოვლენილ ხარვეზებს / დაშვებულ შეცდომებს და გამოაქვს სათანადო დასკვნები, სახავს საკუთარი საქმიანობის გაუმჯობესების გზებს

 1

მშობლისა და მოსწავლის შეფასება

6

წრის შესახებ ინფორმაცია დროულად ხელმისაწვდომი იყო ყველა დაინტერესებული პირისთვის

 1

7

წრის საქმიანობა, დამუშავებული საკითხები/თემები მორგებული იყო მოსწავლეთა ინტერესებზე

 1

8

განხილული საკითხები/დამუშავებული თემები მოსწავლეებს ეხმარებოდა ცოდნის გაღრმავებაში

 1

9

განხორციელებული აქტივობები საინტერესო და მრავალფეროვანი იყო მოსწავლეებისთვის

 1

10

შექმნილი იყო კეთილგანწყობილი გარემო

 1

საწრეო მუშაობა ქართულ ენასა და ლიტერატურაში "რიცხვითი სახელი" I სემესტრი

რიცხვითი სახელი

რიცხვით სახელზე მოსწავლეები ჯგუფებში მუშაობდნენ. ერთმანეთს ეხმარებოდნენ და ცდილობდნენ, მათ ჯგუფს უკეთესი შედეგი ჰქონოდა. განსაკუთრებული მოწონება მათში ასეთმა მუშაობამ გამოიწვია.

https://drive.google.com/file/d/1OE-vojFTMEVC_PMVyHmJJyii3ca0wj3s/view?usp=sharing

საწრეო მუშაობა ქართულ ენასა და ლიტერატურაში - კონკურსი ,,ვინ სწრაფად, ვინ უკეთ“ I სემესტრი

კონკურსი ,,ვინ სწრაფად, ვინ უკეთ“

წრის წევრებთან ერთად გადავწყვიტეთ, შეგვეჯამებინა ცოდნა, რომელიც მათ მეცადინეობებზე მიიღეს. მუშაობას ჰქონდა კონკურსის სახე, თუ ვინ უკეთ და კარგად შეასრულებდა დავალებას.

მოსწავლეები გატაცებით ასრულებდნენ მიცემულ დავალებას. შედეგიც, შესაბამისად, კარგი იყო.ქართული ენის დიდ სიყვარულთან ერთად მისი ცოდნაც გამოავლინეს. მათ კიდევ უფრო დიდი სურვილი გაუჩნდათ სხვადასხვა საკითხების შესწავლის.

https://drive.google.com/file/d/19eO15LnmKsfslWluTzO72VzhoRSoBGEL/view?usp=sharing

საწრეო მუშაობა ქართულ ენასა და ლიტერატურაში "ნაცვალსახელი" I სემესტრი

23 იანვარი

ნაცვალსახელი

წრის წევრებმა გაიმეორეს შესწავლილი მეტყველების ნაწილები: არსებითი სახელი, ზედსართავი სახელი, რიცხვითი სახელი.

გამოთქვეს ვარაუდი, თუ როგორი უნდა ყოფილიყო მეტყველების ნაწილი, რომელსაც ნაცვალსახელი ჰქვია. მათ დაახლოებით სწორი ვარაუდი გამოთქვეს და როდესაც მასწავლებლის მიერ შეთავაზებული წინადადებები წაიკითხეს, მასწავლებლის დახმარებით, მოძებნეს ნაცვალსახელები და ის მეტყველების ნაწილები, რომლებსაც ცვლიდნენ ეს ისინი.

ამის შემდეგ ნაცვალსახელებს დაუსვეს კითხვები და მივიდნენ იმ დასკვნამდე, რომ ისინი იმავე კითხვებს პასუხობდნენ, რომელ სახელებსაც ცვლიდნენ. თუ არსებითი სახელი იყო ჩანაცვლებული, მის კითხვებს პასუხობდა ნაცვალსახელიც (ვინ ან რა), თუ ზედსართავი, მისი კითხვა დაუსვეს(როგორი, რომელი...). რიცხვითი სახელის კითხვებს (რამდენი, მერამდენე, მერამდენედი) ნაცვალსახელი პასუხობდა იმ შემთხვევაში, თუ იგი რიცხვით სახელს ანაცვლებდა.

ამის შემდეგ წრის წევრებმა ივარჯიშეს წინადადებებში ნაცვალსახელების მოძებნაზე და მათთვის სათანადო კითხვების დასმაზე.

საწრეო მუშაობა ქართულ ენასა და ლიტარეტურაში II სემესტრი "რითმა"

6 თებერვალი

რითმა

წრის წევრებმა გამოთქვეს თავიანთი აზრი და შემდეგ მასწავლებელთან ერთად დააზუსტეს მოსაზრება რითმის შესახებ. მათ გაუჩნდათ სურვილი, თვითონვე გაერითმათ სტრიქონები. ერთმანეს ეხმარებოდნენ, უსწორებდნენ და აი, რა გამოუვიდათ საბოლოოდ:

გიორგი უგლავა

მე მიყვარს ჩემი ოჯახი,

ჩემი დედ-მამა, ძმა,

ჩემი ლამაზი სამშობლო,

მისი მიწა და ცა.

ანა გიორგაძე

რა ლამაზი დარია,

რა ლამაზი დღეა

დღეს ხომ ორშაბათია,

ჩვენი სკოლის დღეა.

ხვალ კი სამშაბათია,

ეს კი სპორტის დღეა,

მერე ოთხშაბათია,

ისტორიის დღეა.

ისტორია, ისტორია

ჩვენი გულის მზეა.

კალისტრატე გოგრიჭიანი

ცრემლები ზღვის შუაშია,

ალერსი ორ ზღვას შუაშია,

ცრემლები მეც ამატირებს,

როგორც ტირიან ცაში.

გიორგი მორჩიაშვილი

ჩემი კარგი სოფელი,

მისი მწვანე მდელო,

ასე უსაყვარლესი,

ჩემი  ს ა ი მ ე დ ო.

ელენე სოფრომაძე

ქარხნის პური,

თონის პური,

დედას პური, ნაზუქი,

ყველა გემრიელია,

როგორც პური ქართული.

საბა ბენდელიანი

მოშხუის ფშავის არაგვი,

მაგრამ ასეთი არა,

დინებით იგი კარგია,

მაგრამ ტყე-ველით არა.

მოღელავს ფშავის არაგვი,

ჩამოაქვს ქვები თან,

რატომ გგონიათ საშიში,

მას ვერ სჯობია სხვა.

საწრეო მუშაობა ქართულ ენასა და ლიტარეტურაში I სემესტრი

30 იანვარი

ნაცვალსახელის ჯგუფები

წრის წევრებმა მასწავლებლის მიერ მითითებულ წინადადებებში დაძებნეს ნაცვალსახელები და დააჯგუფეს ისინი საერთო ნიშნების მიხედვით. აღმოჩნდა, რომ მათ რამდენიმე სახის ნაცვალსახელს სწორად მიუჩინეს ადგილი.

ამის შემდეგ უკვე მასწავლებელმა დააჯგუფებინა დანარჩენი ნაცვალსახელებიც. მოსწავლეებმა ახლა უკვე თვითონ შეადგინეს წინადადებები, რომლებშიც ეს მეტყველების ნაწილი იყო გამოყენებული. განსაკუთრებით გაამახვილეს ყურადღება ,,ის“ ნაცვალსახელზე და თვითონვე დაასკვნეს, თუ როდისაა იგი პირის და როდის--ჩვენებითი.

პრაქტიკული სავარჯიშოებით განიმტკიცეს ნაცვალსახელის შესახებ მიღებული ცოდნა.

 მონდომებულები არიან ელენე, საბა და ანა, რომ, რაც შეიძლება, სწრაფად შეასრულონ მიცემული დავალება...

გიორგი და ნინო წინადადებებს თვითონ ადგენენ, რომლებშიც ნაცვალსახელები იქნება...

გიორგისა და ნიკას თავდაპირველად გაუჭირდათ დავალების შესრულება, მაგრამ...  ყველაფერი კარგადაა...

https://drive.google.com/file/d/1HX7J7FzZLbNCM8Rz1s1XELiiTI26gtaa/view?usp=sharing